泰Grill (天晉匯)

🍴位於將軍澳既泰Grill係一間泰式餐廳。餐廳既裝修以現代簡約格調為主，餐廳分左室外同室內既用餐區, 室外位置非常之Chill, 岩唒帶埋毛孩一齊用餐既你。食物方面，我地當日試左餐廳幾個招牌菜:泰式串燒(豬,牛,雞); 蛋包虎蝦炒金邊粉; 海鮮冬陰功湯金邊粉; 青木瓜沙律; 炸蝦餅; 椰汁糕; 芒果糯米飯……食物水準相當之高, 可能當日我同另一半都好肚餓, 平時好細食既我都忍唔住食多左好多。 首先講串燒, 燒得好香但又保持到好肉嫩juicy一啲都唔鞋口。仲有炸得香脆可口既炸蝦餅, 每一啖都食到爽口彈牙既蝦絕對係真材實料。接住仲有滿滿海鮮既冬陰功湯金邊粉, 個湯好好飲好濃郁仲有超多海鮮超有驚喜。最後就係泰餐必食既芒果糯米飯同椰汁糕啦, 椰汁糕食到好清甜既新鮮椰汁做底味, 食落就試到椰奶香味, 而芒果糯米飯真係十分推薦因為真係好好味。軟糯既糯米飯配香甜既芒果再搭椰奶真係非常絕配, 簡直係畫上完美既句號。$200-$250 for one (lunch)📍HKG泰Grill (天晉匯)地址：將軍澳唐俊街12號天晉匯地下G06號舖