小魚兒 (富麗花園) (Closed)

聽朋友講，呢度嘅雞煲好好食，果然名不虛傳。雞肉非常嫩滑，而且非常入味，個汁真係超級好食，非常惹味、香辣,鍾意食雞煲嘅人千祈唔可以錯過！雞煲入面有好多蒜頭，啲蒜頭煮到好粉，撈埋啲汁食真係無敵，大大話話起碼有十幾廿粒我哋全部清曬！加咗碟肥牛、豬肉片同埋百頁豆腐。肥牛都唔錯，百幾蚊算抵食。個人鍾意豬肉片多啲，豬味比較出，必點嘅應該係百葉豆腐，因為可以索曬雞煲啲汁，好鬼正！最後想讚下啲服務，有兩個女侍應見到有警察嚟抄牌，即刻提我哋揸走架車！