咖吔

Open Now

Now Closed

將軍澳想食海南雞飯，好多時都會黎kaya，雖然係連鎖但做得幾好，皮下有啫哩。 閒時成日黎食，今晚叫下新花款都唔錯。喇沙摻摻係正宗嘅味道，喇沙湯底濃郁惹味，用料都幾豐富，蝦肉新鮮、魚蛋魚片彈牙，仲有通菜、芽菜、洋蔥，口感幾有層次。檳城和牛蝦麵相對清淡啲，湯底清甜，重中之重嘅和牛真係牛味濃，仲有多汁嘅牛丸，值回票價。燒豬頸肉唔係度度都做得好食，尤其是食過大叻嘅豬頸肉真係返唔到轉頭。 我覺得呢度燒得好香，媲美大叻，個醬勁惹味唔會好辣，每次嚟食海南雞、喇沙同豬頸肉呢個組合都覺得好滿足。蟹粉蟹肉焗酥盒熱辣辣好酥脆，蟹肉真係滿瀉同明顯見到一嚿嚿蟹腳肉，酥皮嘅牛油香味雖然濃烈，但都冇蓋過蟹粉蟹肉嘅鮮甜味。