Video
Read full review
2022-09-01
129 views
今晚約左家姐一家去將軍澳食飯，點知自己早左，就去行下Donki。之後再行過一條天橋去到另一個商場位，見到間充滿童話風格的糖果屋「Hans & Gretel」。上網一查先知尼間係間國際魔法糖果店，全球仲要有勁多間分店，每間都裝修到又夢幻又富有魔法感，同埋整間店都係滿滿既糖果。以前細個幻想既居然成真！😍 聽職員講將軍澳係香港的第二間分店，第一間係銅鑼灣！店員都打扮到好似童話書的人物咁！店内提供多款美味甜品、糖果任君選擇，彷彿入左魔幻童話世界！店內有個名符其實的糖果屋，而天花板上掛滿好多糖果，另外仲有唔少魔法精靈的公仔俾人打卡。 ⦁🍨肉桂煙囪蛋糕Chinmey cake $75⦁🍩冬甩 Donut with 2 toppings & chocolate syrup $65⦁🍭繽紛色彩糖果、棉花糖 Assorted candies $40/100g 果煙囪蛋糕系硬身，所以店員好貼心咁俾左手套🧤，方便進食！講番果蛋糕先，唔好以為得最上面先有雪糕呀，係成個煙入面都系雪糕，勁滿足！而雪糕都有唔同選擇，我見有好多口味都好少見，我最後揀左「吹波膠味」！冬甩的口感鬆軟，仲可以自選配料，如果小朋友黎既
聽職員講將軍澳係香港的第二間分店，第一間係銅鑼灣！店員都打扮到好似童話書的人物咁！店内提供多款美味甜品、糖果任君選擇，彷彿入左魔幻童話世界！店內有個名符其實的糖果屋，而天花板上掛滿好多糖果，另外仲有唔少魔法精靈的公仔俾人打卡。
⦁🍨肉桂煙囪蛋糕Chinmey cake $75
⦁🍩冬甩 Donut with 2 toppings & chocolate syrup $65
⦁🍭繽紛色彩糖果、棉花糖 Assorted candies $40/100g
果煙囪蛋糕系硬身，所以店員好貼心咁俾左手套🧤，方便進食！講番果蛋糕先，唔好以為得最上面先有雪糕呀，係成個煙入面都系雪糕，勁滿足！而雪糕都有唔同選擇，我見有好多口味都好少見，我最後揀左「吹波膠味」！冬甩的口感鬆軟，仲可以自選配料，如果小朋友黎既話一定好開心！最後見到有得夾糖，而出面又好少見（海星⭐️、鱷魚🐊、海龜🐢等），所以夾左少少俾兩個姨甥食！
本身以為糖果屋的所有野都偏甜，結果唔係，佢地既係甜而不膩果種！之後一定會帶兩個姨甥黎先得！🥰
📍Hans & Gretel @hansgretelhk
1️⃣將軍澳唐俊街23號澳南海岸MONTEREY Place 1樓103號舖
2️⃣銅鑼灣東角道 26 號怡安大廈地下 6-8 號鋪 (世貿對面)
Post