鮪世市場 (Closed)

朋友約我在將軍澳相見，晚餐想食高質壽司。我就選擇左尼間位於TKO Gateway既「鮪世市場」。入到去，係一間濃濃日本風既細小店鋪。一邊睇餐牌一邊已經流口水啦🤤🤤。因為實在太肚餓啦，同埋食我最愛的壽司，點會唔流口水先得嫁😍😍我地叫左自家燒玉子壽司，好好味呀。唔會太甜，味道整得好好食。必點推薦👍另外，我地叫左「天然真鯛」，刺身魚同壽司飯中間放左塊紫蘇葉，令到個刺身魚好突出，好fresh🤩🤩好夾。特別推薦：「特選本鮪壽司盛」。入面有4件不同部位既吞拿魚壽司。由脂肪分佈高至低甘排列。最多脂肪個兩件吞拿魚腩壽司真係超超超超超級好味，入口即溶，雖然有少少筋。脂肪係口入面溶化所散發出的化學作用刺激住味蕾。真係好好好好味。😍😍而其他兩件係吞拿魚壽司同蔥吞拿魚腩軍艦。我仲叫左蔥吞拿魚腩手卷，佢既手卷都係必食。仲有特大赤海蝦刺身（2件）好新鮮好好味。總體成餐飯食得好開心。雖然間店鋪細d,但坐係壽司吧台到食壽司真係別有一番風味，又岩傾計，好似真係去左日本甘。食物又新鮮又高質。服務一流👍👍🤩