Video
Read full review
2021-02-12
936 views
牛年第一po~占卜cafe大家應該有聽過，但singing bowl cafe唔知大家又聽過未呢？Singing bowl(又名頌缽)，係樂器之餘亦係個宗教法器，而敲響出來嘅聲音同頻率係可以作療癒功用嘅。位於西營盤，以身心靈為主題嘅 @vibes除左有身心靈嘅產品賣之外，仲有個超級吸睛嘅singing bowl high tea set😍😍😍High tea($298/1, $488/2)薑味橙汁🧃Mini ginger orange juice入口係濃濃嘅橙汁味，after taste先會係喉嚨感受到個份薑味。係新奇嘅感覺，雖然係橙汁，但多左份健康嘅感覺Savouries~🍴一口鮑魚配日本淮山蓉🦪(小金肉食pick⭐️)Abalone with cinnamon-vine paste鮑魚好大粒好彈牙好juicy🤩淮山未至於打到極碎，所以黏得來帶點口感，仲有微微嘅wasabi味，無論味道定口感都夠曬有層次😋素鵝肝蘆筍尖🎋(小金素食pick⭐️)No goose liver with asparagus素鵝肝好濃味好creamy，配左淋淋地嘅蘆筍整體會無咁鹹🥰🥰🥰不過下面塊餅對箍牙金來講略硬
占卜cafe大家應該有聽過，但singing bowl cafe唔知大家又聽過未呢？Singing bowl(又名頌缽)，係樂器之餘亦係個宗教法器，而敲響出來嘅聲音同頻率係可以作療癒功用嘅。
位於西營盤，以身心靈為主題嘅 @vibes除左有身心靈嘅產品賣之外，仲有個超級吸睛嘅singing bowl high tea set😍😍😍
High tea($298/1, $488/2)
薑味橙汁🧃
Mini ginger orange juice
入口係濃濃嘅橙汁味，after taste先會係喉嚨感受到個份薑味。係新奇嘅感覺，雖然係橙汁，但多左份健康嘅感覺
Savouries~🍴
一口鮑魚配日本淮山蓉🦪(小金肉食pick⭐️)
Abalone with cinnamon-vine paste
鮑魚好大粒好彈牙好juicy🤩淮山未至於打到極碎，所以黏得來帶點口感，仲有微微嘅wasabi味，無論味道定口感都夠曬有層次😋
素鵝肝蘆筍尖🎋(小金素食pick⭐️)
No goose liver with asparagus
素鵝肝好濃味好creamy，配左淋淋地嘅蘆筍整體會無咁鹹🥰🥰🥰不過下面塊餅對箍牙金來講略硬😅
黑毛豬火腿三文治🥪
Iberico ham & cheese bikini
黑毛豬火腿味道濃郁，同芝士真係絕配，不過要快啲食，如果唔係就會少左份香脆感
迷你山羊乳酪生果杯🧀
No goat cheese mini fruit bowl
芝士無素鵝肝咁creamy，但味道因為芝士邊嘅黑椒而增添左唔少嘅風味😌覺得太重口味嘅，仲可以配搭crackers或水果一齊食。一道菜幾種食法，睇得出小店嘅誠意❤️
自家製芝士醬三文魚撻🥧(朋友至like之選⭐️)
Homemade cheese spread salmon cup
個撻皮係超級，極度，充滿牛油香。芝士醬好creamy但唔鹹嘅，成個撻嘅鹹味來自塊三文魚。啲魚係幾厚切，食落去有浸油脂感，而且仲會砌成花嘅模樣，夠曬ig-able📸花嘅中間有兩粒清爽，中香魚油嘅酸豆。呢個撻又係道水準之作，亦係另一道口感同味覺上帶比你層次級享受嘅作品(點解可以咁好食🤯)
Sweets~🥄
松露芝士冰壺🥌
Truffle cheese curling
呢個芝士都幾濃，食落係軟身且帶點特別嘅韻味嘅😋
芝麻酥糖配夏威夷果仁🥜
Sesame halva with macadamia nut
雖然黑黑地賣相一般，但粒酥糖其實好特別，濃得來，因為係酥糖所以唔算好痴牙，而且除左甜味仲有少少鹹香，加埋果仁，無花果同脆片一齊食可以平衡翻芝麻嘅濃味
咖啡意式奶凍🍮
Coffee panna cotta
個奶凍係好軟滑，上面配搭嘅燕麥令口感無咁單調，只可惜小金同朋友都唔算係咖啡友，底層嘅咖啡對我地來講太濃，所以食唔曬😔
2人tea set包左兩杯$45嘅飲品，亦可加錢揀選其他飲品
Cold Beetroot rose latte🌹(原價$60)
呢個好多人揀，但我同朋友都覺得淡左啲，初頭飲落會有淡淡嘅玫瑰花香，after taste先會有淡淡嘅紅菜頭味，係幾特別嘅，未試過呢個配搭嘅人可以試下
Hot matcha latte🍵(原價$50)
要表揚下呢杯hot matcha latte，因為佢係我近年飲到，數一數二抹茶味好夠濃，一杯好高質嘅matcha latte👍🏻
*另一個賣點來啦！食呢個tea set可以免費獲得一個價值$168嘅mini singing bowl🥰🥰🥰
Post
