Video
Read full review
2018-04-20
3245 views
聽聞哩間燒肉店喺台灣好受歡迎，喺台灣就未有機會試喇，見佢黎左香港開分店，就梗係去試試佢啦！入到店門會有職員用普通話同你打招呼，好似真係喺台灣食咁🤣 2個人店員安排我地坐卡位，坐低既感覺有d似日本既爐端燒，店員喺你面前燒俾你食，感覺幾親切，又多左互動交談。打開餐牌見到各款牛、豬同海鮮等，即時心心眼左😂 價錢黎講算做中等，都合理！店內既裝修都好有中國風，坐位都擺得唔會話好密，食得舒服。前：牛五花 $168後：牛肋條 $88牛五花既雪花紋分佈得好平均，店員幫我地燒好，時間控制得非常好，坐bar 枱係用炭爐燒嫁，燒出黎特別香。牛五花既肉真係好軟林，感動左！哩度肉既味道師傅一早已經調好，食果時唔洗點任何醬汁。牛肋條揀左椒鹽味，哩個部位都係好林，油脂較牛五花少，都好正！奶油去骨雞腿肉 $80最特別都係燒完擺落燒融左既牛油浸一浸，效果係好香口又充滿牛油既香氣！雞肉去左骨啖啖肉超yummy!每位客人都會有一碗檸檬汁、蔥花配料，將燒肉點d檸檬汁再食多左份清新感，去左d油，好特別！鮮魚味噌湯 $30味噌湯加入鮮魚都係第一次飲，配搭好新鮮，加左魚將碗湯既鮮味提升！墨魚香腸 $110哩個腸中間有粒粒墨魚嫁！咬
入到店門會有職員用普通話同你打招呼，好似真係喺台灣食咁🤣 2個人店員安排我地坐卡位，坐低既感覺有d似日本既爐端燒，店員喺你面前燒俾你食，感覺幾親切，又多左互動交談。
打開餐牌見到各款牛、豬同海鮮等，即時心心眼左😂 價錢黎講算做中等，都合理！
店內既裝修都好有中國風，坐位都擺得唔會話好密，食得舒服。
前：牛五花 $168後：牛肋條 $88
牛五花既雪花紋分佈得好平均，店員幫我地燒好，時間控制得非常好，坐bar 枱係用炭爐燒嫁，燒出黎特別香。牛五花既肉真係好軟林，感動左！哩度肉既味道師傅一早已經調好，食果時唔洗點任何醬汁。
牛肋條揀左椒鹽味，哩個部位都係好林，油脂較牛五花少，都好正！
奶油去骨雞腿肉 $80最特別都係燒完擺落燒融左既牛油浸一浸，效果係好香口又充滿牛油既香氣！雞肉去左骨啖啖肉超yummy!
每位客人都會有一碗檸檬汁、蔥花配料，將燒肉點d檸檬汁再食多左份清新感，去左d油，好特別！
鮮魚味噌湯 $30味噌湯加入鮮魚都係第一次飲，配搭好新鮮，加左魚將碗湯既鮮味提升！
墨魚香腸 $110哩個腸中間有粒粒墨魚嫁！咬落好爽口，墨魚味重，配啤酒係一流!
Post
