滿堂樂滬京風味 (Moved) New Location

最近呢間粢飯好出名下，專登行去買返公司當早餐食，落單一分鐘唔洗就有，係即叫即包既，份量比我想像中大。十分鐘唔洗返到公司，仲熱。下面這圖，是我食左幾啖覺得唔對路，料足不足，是不是粢飯應有的少飯多餡，大家可以看到。飯，夠熱，但硬而散，絕對不是煙韌粘軟的糯米飯，食食下會成舊甩出黎，完全不結實，仲有D生飯感覺。餡料，我期待的是脆卜卜，而不是兩大條硬繃繃、基本就黎咬不開、硬、乾、超熱氣，同飯一點都融合不來的油炸鬼。再者，是一舊舊的硬飯。硬飯Ｘ超硬油炸鬼飯跟肉鬆炸菜和油炸鬼的比例，配合得好差。食左好多飯先見到中間的餡，然後就散開哂，見圖。糯米飯我真的要講十次，不是煙韌粘軟，是硬。味道方面，鹹味和素肉鬆的酥香是合格的，不是特別的鹹。有很多賣粢飯的地方，並不是即叫即包的，但即刻包又點呢，咪又係難食。不吐不快，這家店是不是一直都係咁樣的水準？價錢係22蚊一個，加豆漿27，早餐來講，有大把更好的選擇。此時此刻同一日下午3:33，我係咪要多謝你幫我慳返餐午餐錢呢，因為我飽到未食到午餐，但同時，我個喉嚨乾左成日，佢個油炸鬼真係熱氣到不得了，就黎喉嚨痛咁濟。好了，以後都唔會再幫襯。