Wing It! (Closed)

同朋友食完lunch, 係銅鑼灣行下行下，見到呢間賣鷄翼既wing it。之前上網見過有傳媒介紹，所以一直都想試下。去到既時候門口全部塞滿曬人，有一大班睇落似大專生既年輕人係度食鷄翼拍片，仲要霸曬成間店。原本我地諗住搵兩個位坐一陣食，但係佢地真係太嘈，最後決定轉外賣。研究左menu好耐，決定叫24pics鷄翼😂除番每隻好似抵d😂收銀機前擺有好多唔同既sauce, 選擇非常多，大家可以跟番自己喜好揀自己鍾意既味道。鷄翼唔錯，外賣俾既sauce份量唔吝嗇。臨走既時候個d學生都開始走，其實店內環境都幾舒適寬敞，主題係黃色，望落幾有活力。