Video
Read full review
2023-03-09
19 views
雞翼山呢間專登食雞翼嘅餐廳係有分店係裕民坊，呢一間比較近我屋企附近，諗住買完之後同朋友出去佐敦谷公園野餐，店鋪地點嘅話喺裕民坊巴士總站其中一個門口一入就係㗎啦！餐牌都十分之容易明白，有9款雞翼口味選擇，今次因為有三個朋友一齊食，所以我哋就叫咗一個$128蚊，12隻雞翼嘅套餐，雞翼嘅口味全部都係好新穎，有好多款我都未試過，想像唔到咩味🤣 今次就叫咗1號嘅文青風玫瑰雞翼，4號濃口櫻花蝦蝦醬雞翼同埋3號黃金鹹蛋黃焗雞翼，配上氣泡桃橙水～佢外賣都會用紙幫你分返三隻口味，唔會撈埋好貼心！餐廳都十分之衛生，喺個買嘢嘅櫥窗可以望到入邊烹調嘅過程，全部都係即叫即炸㗎，所以全部都好熱辣辣！玫瑰雞翼係比較甜嘅口味，上面有一塊塊嘅玫瑰花瓣，食落似蜜糖雞翼，但係帶有少少玫瑰糖漿嘅味道，感覺比較清爽，雞翼因為即刻整，所以都十分之外脆內軟同埋都多肉汁，雞翼發育完全唔會太細隻！櫻花蝦蝦醬雞翼係三款裏面相對來講重口味嘅雞翼，出邊有見到一隻隻嘅櫻花蝦豐富口感，整體味道來講蝦醬味道突出，鹹香嘅感覺中帶有淡淡嘅海鮮味道！鹹蛋黃雞翼本身預期會比較咸，但係其實佢比櫻花蝦蝦醬更加淡味，有咸蛋黃香得來唔咸，同埋個皮係有厚厚嘅一層鹹
呢間專登食雞翼嘅餐廳係有分店係裕民坊，呢一間比較近我屋企附近，諗住買完之後同朋友出去佐敦谷公園野餐，店鋪地點嘅話喺裕民坊巴士總站其中一個門口一入就係㗎啦！
餐牌都十分之容易明白，有9款雞翼口味選擇，今次因為有三個朋友一齊食，所以我哋就叫咗一個$128蚊，12隻雞翼嘅套餐，雞翼嘅口味全部都係好新穎，有好多款我都未試過，想像唔到咩味🤣
今次就叫咗1號嘅文青風玫瑰雞翼，4號濃口櫻花蝦蝦醬雞翼同埋3號黃金鹹蛋黃焗雞翼，配上氣泡桃橙水～佢外賣都會用紙幫你分返三隻口味，唔會撈埋好貼心！
餐廳都十分之衛生，喺個買嘢嘅櫥窗可以望到入邊烹調嘅過程，全部都係即叫即炸㗎，所以全部都好熱辣辣！
玫瑰雞翼係比較甜嘅口味，上面有一塊塊嘅玫瑰花瓣，食落似蜜糖雞翼，但係帶有少少玫瑰糖漿嘅味道，感覺比較清爽，雞翼因為即刻整，所以都十分之外脆內軟同埋都多肉汁，雞翼發育完全唔會太細隻！
櫻花蝦蝦醬雞翼係三款裏面相對來講重口味嘅雞翼，出邊有見到一隻隻嘅櫻花蝦豐富口感，整體味道來講蝦醬味道突出，鹹香嘅感覺中帶有淡淡嘅海鮮味道！
鹹蛋黃雞翼本身預期會比較咸，但係其實佢比櫻花蝦蝦醬更加淡味，有咸蛋黃香得來唔咸，同埋個皮係有厚厚嘅一層鹹蛋黃醬，兩個都有兜均，所以食落味道好平均好香口，3款嘅雞翼食完都唔會好口渴，味道調得十分之好味，下次會再想試吓冬陰功口味嘅雞翼呢！
套餐配上嘅氣泡桃橙汁十分之清爽，雪到凍一凍配埋香脆雞翼真係感覺唔錯！外賣方面包得十分之好，有手抽袋拎走，同埋仲有膠手套㖭！
Post
