築間幸福鍋物

我同朋友決定去旺角一間人氣火鍋餐廳，聽講呢度台灣幾有人氣，一入到去，果然感覺好溫暖舒適，餐廳內部裝潢以木材為主，搭配柔和燈光，我哋選擇咗*極奢放題任食*套餐，每人只需$319，真係抵食到爆！*鎮店招牌石頭湯*上桌時，湯底滾滾，味道濃郁，每一口都充滿咗食材嘅精華。*爆炒龍蝦湯*更加係其中一個亮點，龍蝦鮮美嘅滋味同湯底融合得天衣無縫，味道鮮甜而不膩。*澳洲黑毛和牛霜降*，牛肉鮮嫩多汁，入口即化，脂肪同瘦肉比例完美。*美國熟成霜降牛*嘅味道更加濃郁，肉質緊實有嚼勁。*紐澳嫩羊肩*肉質鮮嫩，毫無膻味，真係一絕。*熟成牛五花*同*美國板腱牛*都各有千秋，前者肥美多汁，後者肉味濃郁，令人一試難忘。飲品方面，我哋試咗*阿里山冷泡烏龍茶*同*鳳梨冰茶*，前者清香回甘，後者酸甜清爽，係火鍋嘅絕配。海鮮亦唔少得，*海虎蝦*鮮甜彈牙，煮完之後味道更加突出。甜品方面，我哋選咗*芒果奶酪*、*霜淇淋*同*焦糖布蕾*。芒果奶酪滑溜香甜，霜淇淋冰涼細膩，焦糖布蕾香脆焦糖層同嫩滑奶凍完美結合，甜品環節完美收尾。