Gastrobox The Union (Closed)

西環係我由細到大生活過既地方，雖然已搬離本區多時，情意結始終不變，久不久又會坐叮叮重遊舊地順道尋味一下。其實呢個從不起眼的小社區，自港島線西延長段開通以後都經歷左明顯變化，所有事物都變得多元化。昔日以茶樓快餐小食店為主流的地區飲食文化都日漸被國際化，對食客而言，選擇多了又何嘗不是一件好事。開設於小街路口的GASTROBOX，鄰近電車總站，門口當眼位置不難發現其時尚既店家招牌，晚上亮起背燈分外搶眼。今云我們只是四圍行巧合路過，發現店家做緊4 courses 晚市1人套餐，提供由百多元起到二百幾的主菜選擇不等，用咁超值既價錢可以坐得舒舒服服兼食到豐富既晚餐去邊到搵? GoGoGo~~~~先黎介紹一下頭盤，絕非二選一，客人可以同時享用沙律及餐湯各一客。是晚沙律為青蘋果切片伴沙律雜菜，份量足足係一般西餐廳既兩倍。夾雜少許沙律醋汁調味，入口特別清新開胃！餐湯方面，是晚提供黑松露野菌忌廉湯，用料十足，入口啖啖香濃至極，激讚!侍應送餐的節奏亦控制得宜，先待客人用畢才到下一道菜，不忙不急。我們選擇左走紅肉菜式，點了一款主菜為扇貝海鮮燴意式茄蓉扁意粉。另一份主菜為刁草汁鰽魚柳拼司華力腸配茨菜，份量之大令