Video
Read full review
2017-10-05
426 views
西班牙菜近年都算大熱之一，從啲飲食雜誌所見，西班牙餐廳開完一家又一家，就算唔喺開餐廳，都不少西餐廳額外引入西班牙小食Tapas。是晚約咗朋友短聚，搵咩地方由小弟決定，由於友人未接觸過西班牙菜，所以，就一嚐頗有地方特色嘅西班牙菜。EL Cerdo晌荃灣已開有店舖，但就朋友方便，就揀嚟新開嘅灣仔店，除位處旺區之外，出地鐵後都喺數十步之遙，極為方便。甫進內，一派酒吧格局，全部都喺高脚枱櫈，難得編排一啲都唔密，挨牆一邊嘅位更配上咕臣，再加上柔和嘅燈光，強勁卻唔太吵耳嘅音樂，讓人寫意萬分。其實，細心留意，酒吧位嘅牆身磚，近門口天花嘅七彩圖案，身後嘅巨型玻璃酒架，以及吊燈，都頗有特色。就算唔喺嚟食飯，跟友朋嚟坐低飲吓嘢，都喺幾舒服嘅聚腳點。時間許可嘅話，就最好襯晌歡樂時光嚟啦，不過，個時間就比較短。食物就印晒晌墊枱紙上，一目了然，西班牙文為主，輔以英文，唔似荃灣店會印有中文，明顯客路都預咗喺針對外國人為主。菜式類別分為The classic、the land、iberian cured meat and cheese、the sea、the garden及something sweet，價錢跟以前
EL Cerdo晌荃灣已開有店舖，但就朋友方便，就揀嚟新開嘅灣仔店，除位處旺區之外，出地鐵後都喺數十步之遙，極為方便。甫進內，一派酒吧格局，全部都喺高脚枱櫈，難得編排一啲都唔密，挨牆一邊嘅位更配上咕臣，再加上柔和嘅燈光，強勁卻唔太吵耳嘅音樂，讓人寫意萬分。
其實，細心留意，酒吧位嘅牆身磚，近門口天花嘅七彩圖案，身後嘅巨型玻璃酒架，以及吊燈，都頗有特色。
就算唔喺嚟食飯，跟友朋嚟坐低飲吓嘢，都喺幾舒服嘅聚腳點。時間許可嘅話，就最好襯晌歡樂時光嚟啦，不過，個時間就比較短。
食物就印晒晌墊枱紙上，一目了然，西班牙文為主，輔以英文，唔似荃灣店會印有中文，明顯客路都預咗喺針對外國人為主。菜式類別分為The classic、the land、iberian cured meat and cheese、the sea、the garden及something sweet，價錢跟以前食過嘅西班牙餐廳相若。
另一個揭頁嘅喺飲品餐牌，當中包括紅白餐酒、啤酒、雞尾酒、果汁……等等。
Sangria $55小弟雖然唔好酒，但一啲低酒精嘅飲品都OK嘅，而傳統嘅西班牙水果酒（Sangria）就喺其一，雖然喺紅酒底，但加入多款水果後，感覺變得清爽好多，紅酒跟果香頗平衡，相對易入口。
Cranberry Juice $40友人喺滴酒不沾嘅人，對佢嚟講，果汁喺較合宜嘅選擇。鮮紅色嘅紅莓汁，當然唔會喺新鮮貨色啦。
Tabla de Carnes Curadas $158（Iberian meat platter）
既然嚟到西班牙餐廳，當然瞄準較特色嘅西班牙菜啦，一邊飲嘢，一邊傾偈，依一道伊比利亞黑毛豬肉拼盤就喺最好嘅選擇，一客就有5款肉，由左至右為Salchichon、Lomito、Chorizo、Morcilla、Jamon，可以同時試到唔同嘅味道同質感。
Tabla de Carnes Curadas
$158
36 views
0 likes
0 comments
意式嘅莎樂美腸就食得多啦，搵伊比利亞黑毛豬做嘅莎樂美，感覺有啲高人一等。入口煙韌，細嚼慢慢滲出油脂感。
Lomito (Iberian pork loin with paprika & garlic)
可以講喺西班牙豬肉乾，但乾得嚟唔會話好韌，而且，有肉香，唔油膩。
Chorizo (Iberian pork sausage with paprika & garlic)
依一款西班牙辣肉腸較常見，因為晌製作上混入辣椒粉及香蒜，所以，味道方面較香濃。
Morcilla (Iberian pork blood sausage)
「血腸」聽落好嚇人，不過，成品只喺睇為深色啲嘅風乾肉腸，味道更加唔會有「血腥」嘅感覺，其實，味道只喺鹹香啲。
Jamon (Iberian ham 60 months)
壓軸味黑毛豬做成60個月熟成嘅風乾火腿，外觀充滿光澤，入口果然不同凡響，肉質細膩，橡果味豐潤，不愧高質。
Mejilones, Chorizo Y Jerez $88
（Mussels, Chorizo, Sherry）
西班牙小食接續登場，先有一客青口，雖然啲青口都比較細隻，唔喺好夠肉地，但不失鮮甜，再者，加埋啲西班牙辣肉腸粒、蔥粒及雪利酒去煮，非常惹味。講到尾，食青口都喺啲比利時青口最得我心，既大隻，又鮮甜。
con Chutney de Almendra $68（mixed mushroom, roasted almond chutney）
太多油脂，太多肉，所以，想平衡啲，老友就揀咗一份炒雜菌，雜菌主要喺大傘菇同雞脾菇，切得厚身又大粒啲，比較有口感，食落又有菇香，加咗啲金蒜，有少少「避風塘」格，味道更富層次。
Paella $198西班牙海鮮炒飯俾小弟嘅印象就喺「今次大鑊喇」，真喺無三幾個人咪試，不過，近年興細份量牌，早前晌奧海城嘅Cocina 3 Tapas就試過，百零蚊好抵食。初頭睇餐牌時都唔發覺有西班牙海鮮炒飯，但明明印有Paella字樣，問問原來喺有供應，但就無放晌餐牌中，兼同樣有細份量，剛好啱兩個人食。飯粒入口軟綿，充滿海鮮味，海鮮有大蝦、青口、帶子及魷魚，幾款海鮮料都新鮮具質素，啖啖海鮮精華。
Churros con Nutella $48（Spanish Fried Doughnut / Nutella Sauce）
食西班牙油條最緊要喺香脆得嚟唔好太油，依度嘅出品都做得唔錯，入口非常香脆，亦唔算好油，沾上香濃嘅Nutella朱古力漿，真喺好夾。但如果啲油條再灑上少少玉桂粉，我覺得就更好。
西班牙菜確喺有其特別，友人都好欣賞，不過，以咁嘅價位，碟頭嘅份量感覺有點細，但咪睇啲嘢細細碟，其實都食得我哋好飽，只喺消費有點高。此外，服務值得一讚，主動換碟、添水，所以，整晚用餐都頗舒服，最估唔到，店家喺唔收加一，並相信客人會欣賞佢哋嘅服務而主動俾貼士。
Post
