亞哥滷水專門店 (Closed)

豬頭肉，有D人聽到已經掉頭走，但我就覺得係舊情懷，依家根本見唔到有邊處仲有得食，話說食飽飯之後經過阿哥滷水專門店俾佢賣剩嘅最後一盤豬頭肉吸引住，因為已經超過五年未食過，點都好飽住食啦，老闆有兩句可以傾下， 滷水味道唔算好濃，但有味道，爽口彈牙，加甜醬，好似搭上時光機咁，返咗去舊時果處，有機會再嚟食過。呢處應該係熟食市場嚟，中間果幾間小食，只可企定咁買，然後行埋一二邊食咗佢，我唯有好快趣咁，一件件豬頭肉放入口，大啖大啖咁咬，真係好似細個果時，又怕污糟又要食嘅感覺，正呀，一定有下次。#豬頭肉