十字冰室 (淘大商場) (Closed)

今日私心特登去淘大睇戲，因為佢入面開左十字冰室！一直都飲開十字牌鮮奶，覺得奶味重啲，今日好期待試下佢嘅冰室！入面裝修好懷舊呀真係，好似番番去細個嗰時咁！自助形式，自己出去落單叫野食！美祿山，ok唔甜，但味道再濃啲會更好。兒時回憶，好耐冇飲過嘅忌廉鮮奶🥰本人好鍾意食燒賣，不論魚肉定豬肉。呢個魚肉燒賣整得超好味！夠熱，即叫即整！炸得脆口唔油膩，加少少醬油喺面，好正！心機之作，有驚喜！❤️瑞士雞翼，味道濃但唔似一般咁甜，不錯。焗肉醬意粉，男人清晒，我冇試，見到好多料同夠熱，男人應該幾滿意！我叫左個牛腩定牛肋肉薯仔焗飯，好大份，足料！食唔哂，打包聽日做lunch!最後叫左個甜品作結，墩鮮奶！好满足的一餐兒時回憶！