ChirChir Fusion Chicken Factory (Closed)

又打風，悶左係屋企半日要出去搵下食😬記得上次去韓國旅行食過炸雞嘅味道甚難忘，但呢個回憶中嘅美味仲未喺香港揾到😑趁今日打完風嚟尋味。首先呢間店裝潢好簡單，令人有好舒適感覺。另外由於時間尚早，人流不多，可以慢慢揀吓想點那款食品🤗。餐廳還不停播放韓國流行MV，好有feel👍🏼雞嘅款式相當多。 喺韓國食過BHC醬油炸雞，今日就點蒜香豉油炸雞$163睇睇味道如何。 炸雞份量比想像中多而且熱辣辣出晒煙。 炸粉薄而香脆，豉油味剛剛好，好正🤗再叫個茲樂炒年糕$118 - 韓式甜辣醬底，加上煙靱年糕、炸番薯粒， 魚糕同餃子。辣味夠，份量亦夠，呢餐好回味、好滿足😋