和処 酒肴 (Closed)

朋友介紹位於尖沙咀漆咸圍內街的一間特色日式料理，佢哋嘅料理主要都係廚師發板，套餐分三個價錢，有六百幾、八百幾到一千三百不等。由於好肚餓，而且想同太太食豪啲，於是揀咗1300嘅套餐，而且仲係好神秘，連食乜都唔知。前菜到咗，幾有驚喜，盛裝前菜嘅器皿好特別，拆開之後分開三盆，差唔多有成10款小食。每款一小口，款款有新意，而且味道相當唔錯。跟住上咗刺身，五款刺身都係高質素嘅靚野，同平時食開普通日式餐廳嘅刺身最大嘅分別係佢嘅溫度非常適中，絕對唔會說得太冰凍太硬，但係保持住應有嘅溫度。日本北海道生蠔配上三文魚子加柚子汁，鮮味非常！跟住上咗兩三海膽款熱暈，香煎銀鱈魚拼煎豬肉卷。清燉海鮮湯海膽燉蛋，啖啖海膽肉的，美味無比。跟住10款師傅親自挑選新鮮嘅材料製作手握壽司，分別係：黑立、方弗魚、油甘魚、金目魚、馬交魚、天使蝦、火炙左口、平政魚、吞拿腩。師傅問我最鍾意食邊一件，我就話係入口即溶嘅吞拿魚，師傅即刻回應普遍香港人都鍾意食肥美嘅吞拿魚，但係日本人就唔係。最後飲完麵鼓湯後，便上咗甜品拼盤，賣相相當唔錯，只係本人不愛吃甜食。