Video
Read full review
2017-05-27
1106 views
細個嘅時候，因為住喺沙田，A媽間唔時就會帶我去新城市食祖樂比Jollibee！麥當奴就有大大隻麥當奴叔叔，而祖樂比就有大大隻祖樂比蜜蜂！仲記得，當年佢嘅炸雞同意粉係好好味㗎！10年前去菲律賓旅行，仲會突登去祖樂比食lunch。到3年前，經過中環，路過當年祖樂比最後一間分店，興致勃勃入去食隻熱狗下午茶，雖然感受到異國風情，但味道真係……唔會有下次囉！到今日，經過北角見到有新開張，連名都由祖樂比變成快樂蜂原來M佬由細到大都無食過架！所以今日入去試多次，俾多次機會佢啦！結果係……炸薯條：薯條仲幼過其他對手，薯味唔濃。炸雞：炸雞係夠脆、好嫩滑，仲好大舊添，但炸粉都好多，雞肉唔夠Juicy，仲無乜雞味。磨菇飯：汁唔多，磨菇少都算，最重要係啲飯生米，完全無動機去食第二啖。呢間快餐店嘅最大特色就好似去咗菲律賓旅行，享受異國風情，但味道就大不如前。M佬仲話KFC平咁多，下次食炸雞都唔會揀佢。唔知係我食多咗好多好西，定真係佢變咗呢？
到今日，經過北角見到有新開張，連名都由祖樂比變成快樂蜂原來M佬由細到大都無食過架！所以今日入去試多次，俾多次機會佢啦！結果係……
炸薯條：薯條仲幼過其他對手，薯味唔濃。
炸雞：炸雞係夠脆、好嫩滑，仲好大舊添，但炸粉都好多，雞肉唔夠Juicy，仲無乜雞味。
磨菇飯：汁唔多，磨菇少都算，最重要係啲飯生米，完全無動機去食第二啖。
呢間快餐店嘅最大特色就好似去咗菲律賓旅行，享受異國風情，但味道就大不如前。M佬仲話KFC平咁多，下次食炸雞都唔會揀佢。唔知係我食多咗好多好西，定真係佢變咗呢？
Post
