十下火鍋

作為一個出身喺80年代，奮鬥於21世紀10年代嘅人類，都市繁忙嘅節奏可能會逐漸將我哋舊有嘅記憶消磨，我哋思想不斷進化🧬喺呢個世界上面，一直保持喺食物鏈嘅最頂端，點解？因為人同動物畢竟係有本質上嘅區別，我哋進步嘅同時永遠唔會忘記祖輩留底畀我哋嘅智慧——我理解為不忘本。·銅鑼灣附近有一間打邊爐就係以80年代香港公共屋邨為主題，甚至鋪頭入面放嘅歌都係以八九十年代流行曲為主，非常懷舊。一入門口就有好強烈嘅「穿越」感。·我嗌咗胡椒豬肚湯底，胡椒味好勁，但據說胡椒暖胃、驅寒，所以忍唔住飲多咗幾碗。打邊爐一定會食牛，佢哋採用嘅係本地牛，肉味濃、筋少、有韌性。三星蔥爆漿貢丸，食嗰陣要小心，因為裏面好多醬汁爆出嚟。·如果你都有一顆懷舊嘅心，非常推薦呢間餐廳。