Amour Cafe (Moved) New Location

上次黎呢度食，但無得食吉士蛋。老闆話我知，下次想食可以打個電話留一個比你，真係太好啦。所以我今次先有得食。呢日真係放飯時候，所以人都幾多。意式雜菜湯真係幾淡呀，雖則好多配料。搞到我要加辣椒仔，不過加完之後個味道又幾夾。煙肉蘑菇意粉本來唔係食呢個架，但我見個意粉整得好靚，我先唔食蕃茄雞扒天使之髮。結果我呢個決定係無錯，因為真係好重芝士味，配料又唔錯，幾好食架。意粉又夠彈牙，真係好有心機。凍Mocha唔太甜，咖啡味好夠，但有朱古力味，正。古士蛋講真，我係為左佢而黎食既。當然無令我失望啦。個外表好靚，焦糖汁又算幾多。個蛋又夠滑，雖然係凍食，但味道也不賴。一間好有心既餐廳，雖然環境差小小。但我見到老闆係有心做既，平平地食個西餐認真不錯。