茶先生

Open Now

Now Closed

繼尋找探魚的味道之後，又一巨獻！尋找喜茶的味道。我想大家對喜茶應該唔會陌生，香港亦都開左好多間類似喜茶嘅，例如東喜茶。係香港試左好多間，試到個人都重左幾磅。不過今日要介紹嘅，唔係東喜茶，係比東喜茶更加喜茶嘅 Mr. Tea 茶先生。Mr. Tea 一開始開鋪果陣，萬人空巷，加上佢地管理未熟手，飲一杯野，閒閒地等一個鐘以上。最近銅鑼灣可能多左好多競爭對手，佢地經營又熟手左，所以都係等15-20分鐘左右，最快一次10分鐘就有。今日就飲返最 classic 嘅芝莓莓（少甜）$42佢個芝士真係好好味，好 creamy，試咁多間，呢間個芝士最好味。食完個芝士再慢慢嘆埋飲莓莓。爽爽。不過黎緊喜茶都會係香港開。到時再比較一下先。