神燈燒 (Closed)

身邊有朋友都係蕭若元嘅粉絲，基本上佢嘅店舖都會支持，如果你記得呢間舖之前就係做石頭燒，我都有寫過，估唔到短短幾年又改咗名又轉左。今次改名為神燈燒，其實都係蕭生旗下嘅餐廳，你見到所有嘅裝飾都估到大概係乜嘢Style。以自己自嘲，講真冇乜人有呢個勇氣，我都幾欣賞。平日已經好少食呢啲放題，但係一班朋友興起話試吓平平地飲食，就去啦。重點係有好多種唔同嘅刺身，前菜，石頭丼飯，壽司，炸物等等，大路嘢多，不過最重要係即場燒牛肉同海鮮，呢個係回本重點。牛肉都幾推介，牛頸脊，西冷，牛小排同封門柳講真質素都唔差，再加海鮮好似生蠔同大蝦，基本上食兩轉都回本。如果你愛燒肉，值得黎下。