Video
Read full review
2010-01-16
12 views
15-1-2010早幾日留意到呢度開了新餐廳, 賣的仲要係本身幾喜歡, 但中環又寥寥可數的越南菜, 是日 lunch 過嚟試試. 1:20pm 嚟到 as expected 多人到爆, 不過我一條友好快就「攝」到位了.見隔嚟位 order 的生牛河湯底色水又麻麻, lunch menu 又竟然有蕃茄蟹檬供應 , 立即捨「河內生牛肉湯河」取「河內蕃茄蟹肉湯檬」, 跟一杯凍咖啡.先嚟咖啡, d 奶多到呢 飲落好「奶」, 唔算濃, 唔太甜, 味道似「啡走」, 無苦澀味亦無酸味, 相信係「滴滴」製作?等了幾耐的蕃茄蟹檬賣相不錯, 食味就一般而已:-- 湯底: 紅 bok bok 的, 面頭不少「浮油」(係蝦 / 蟹油?), 聞落都有點蟹味, 飲落蕃茄味就明顯得多, 不過嗒多兩啖, 都有丁點蟹味的. 唔算出色, 亦絕對唔係我喜歡的「濃香」類, 但至少比芽莊的同類出品 (http://www.openrice.com/restaurant/commentdetail.htm?commentid=2007178) 好, 可以一試的.- 配料有蕃茄, 蝦/蟹丸, 洋蔥, 肥豬肉碎, 青瓜,
早幾日留意到呢度開了新餐廳, 賣的仲要係本身幾喜歡, 但中環又寥寥可數的越南菜, 是日 lunch 過嚟試試. 1:20pm 嚟到 as expected 多人到爆, 不過我一條友好快就「攝」到位了.
見隔嚟位 order 的生牛河湯底色水又麻麻, lunch menu 又竟然有蕃茄蟹檬供應 , 立即捨「河內生牛肉湯河」取「河內蕃茄蟹肉湯檬」, 跟一杯凍咖啡.
先嚟咖啡, d 奶多到呢 飲落好「奶」, 唔算濃, 唔太甜, 味道似「啡走」, 無苦澀味亦無酸味, 相信係「滴滴」製作?
等了幾耐的蕃茄蟹檬賣相不錯, 食味就一般而已:-
- 湯底: 紅 bok bok 的, 面頭不少「浮油」(係蝦 / 蟹油?), 聞落都有點蟹味, 飲落蕃茄味就明顯得多, 不過嗒多兩啖, 都有丁點蟹味的. 唔算出色, 亦絕對唔係我喜歡的「濃香」類, 但至少比芽莊的同類出品 (http://www.openrice.com/restaurant/commentdetail.htm?commentid=2007178) 好, 可以一試的.
- 配料有蕃茄, 蝦/蟹丸, 洋蔥, 肥豬肉碎, 青瓜, 九層塔, 芽菜 etc... 蝦/蟹丸應該係自家製? 質地有點粗糙, 食落彈牙, 帶淡淡蝦味及來自湯底的蟹味, 味道 ok; 蕃茄則溶溶爛爛又無乜味, 睇嚟已煲晒 d 味落 d 湯度?
- 檬粉: 幼得似米粉 , 唔算好索湯, 幾滑, 好難夾
亦試了少少檯上供應的魚露, 無「腥」/ 鹹 / 辣味, 酸香亦不足, 印象麻麻 -- 好彩無叫撈檬啫!
餐廳格局同芽莊差不多, lunch hour 人多擠迫可以理解, 落單亦較混亂; 不過店員們夠 responsive 又幾有禮貌, 平日的 lunch hour 服務算好唔錯了.
埋單 $54, 比一條街之隔的芽莊 (http://www.openrice.com/restaurant/commentdetail.htm?commentid=1884025) 平少少, 而單計檬饒, 我覺得呢度好食 d, 可以一試的.
見店員們捧出一碟又一碟春卷及米紙卷, 賣相幾吸引, 有機會試試其他食物吧.
Post
