越式越好味 (Closed)

平時成日都經開呢間餐廳，門面雖然唔多起眼，但從玻璃望入去，見到成日都好多人幫襯，今日就試下買外賣返屋企食。 軟殼蟹米紙卷：軟殼蟹炸得好鬆脆，米紙卷包住青瓜絲🥒、甘筍絲🥕、生菜🥬，成個感覺都好fresh，亦減少軟殼蟹嘅油膩感。 香茅雞翼煎蛋飯🍳：雞翼表皮香脆，肉質多汁，惹味香口。太陽蛋煎得好靚，蛋黃顏色好吸引😍。 越式香茅豬扒湯濛：豬扒份量都好多，又夠厚，香茅味濃郁，豬扒肉質鮮嫩。加埋香料一齊食嘅湯濛係最正㗎，好有越南風味。😌🤤 呢度外賣自取仲有9折呀，買滿$300仲送埋扎肉米紙卷一份。😋😋