Video
Read full review
2008-01-14
6 views
尋晚去左喜喜食晚食，我地一行十幾人，book左一間房，開枱兼唱K，環境好唔再講，野食都煮得出乎意料之外的好，因為話說四個月前，有一晚的晚食，就真係差左少少，但尋晚食完，好似換左廚房咁，好左好多，等我一樣一樣講你地知啦﹕1) 我地八點半先開食，七點時叫左個海鮮莞茜魚湯米線，超好味，足料，個湯又冇味精，真係魚湯黎呀，我就連碗湯都飲埋2) 正式開始食，第一味係乳豬，乳豬有肥有瘦，我就鍾意食瘦，皮好脆，好夠味，真係想像唔到，我地連個豬頭都食埋3) 主菜開始，我地一個星期前，帶左D飽魚比佢\地整，一人有一隻，未食齋睇已經好夠，好香，好霖，好入味，總之冇得頂，無論大人或係細佬，都好鍾意，鍾意到要飽魚汁攪飯4) 魚兩味，我四個月前都有食，今次真係完全唔同，炒球又炒得好，唔散，汁唔會太多或者太少，到左另一個炸魚頭魚骨，好脆，好明顯係即煮即上枱，冇浪費一分鐘時間，味唔會太鹹5) 炸大蝦球，每隻蝦仲大過權頭，隻隻都有膏，一向講晒正6) 砵酒煮蠔﹕嘩！好特別的煮法，好乾身，又唔肥，但由於已經好飽，所以只可以食左一隻7) 最精彩的部份，就係鹽焗雞，竟然焗到連皮都脆，不過因為焗的關係，就較乾身，聽張經理講，隻雞
1) 我地八點半先開食，七點時叫左個海鮮莞茜魚湯米線，超好味，足料，個湯又冇味精，真係魚湯黎呀，我就連碗湯都飲埋
2) 正式開始食，第一味係乳豬，乳豬有肥有瘦，我就鍾意食瘦，皮好脆，好夠味，真係想像唔到，我地連個豬頭都食埋
3) 主菜開始，我地一個星期前，帶左D飽魚比佢\地整，一人有一隻，未食齋睇已經好夠，好香，好霖，好入味，總之冇得頂，無論大人或係細佬，都好鍾意，鍾意到要飽魚汁攪飯
4) 魚兩味，我四個月前都有食，今次真係完全唔同，炒球又炒得好，唔散，汁唔會太多或者太少，到左另一個炸魚頭魚骨，好脆，好明顯係即煮即上枱，冇浪費一分鐘時間，味唔會太鹹
5) 炸大蝦球，每隻蝦仲大過權頭，隻隻都有膏，一向講晒正
6) 砵酒煮蠔﹕嘩！好特別的煮法，好乾身，又唔肥，但由於已經好飽，所以只可以食左一隻
7) 最精彩的部份，就係鹽焗雞，竟然焗到連皮都脆，不過因為焗的關係，就較乾身，聽張經理講，隻雞係生焗，所以真係好考時間的按制和廚師的功\夫，食食下，發現隻雞肚裡面有很多葱和香料，好香，真係好好味
8) 之後就係好大的壽包、多款甜品和生果盆﹕由於我已經飽到食唔落，所以只食左一件我最喜愛的桂花糕，唔甜、好香桂花味，出面真係食唔到
最後就係講下服務啦，最深印象係有一個靚仔經理，姓張，佢\有禮拜又好招呼，簡直冇得頂
如果你之前係去過喜喜食飯，感覺不太好的話，不妨再試一試，可能你的睇法會有所改變。
Post
