Video
Read full review
2018-04-17
3896 views
好味嘅食物, 只要你食過一次, 無論地點係邊度, 都會令你食過番尋味..............呢間泰菜店絶對係on the list!位處工廈, 唔係有人介紹/食過都未必識上黎, 入門見到枱上都有留名牌, 訂枱客多, 保證有得食!餐牌食物種類唔會無咩選擇, 由小食, 沙律, 蔬菜, 湯類, 飯麵及主菜都有飲品LIST當然唔少得肚餓啦................由落單到上枱都唔駛等好耐, 呢客泰國脆脆鷄翼 ($56), 多多少少都係為佢而黎, 一客6隻炸至金黃色, 每隻鷄翼外型亦都非常有"福相", 面搽淋上蜜糖及灑上芝麻, 食起黎味道惹味中帶甜, 又夠香味!鷄翼炸至皮脆肉嫩, 入口熱辣辣香噴噴, 每次食都係咁好味!頭盤點左鳯爪沙律 ($58), 酸辣無骨鳯爪份量何其多, 配以芹菜, 紫洋蔥, 車厘茄及沙律菜, 賣相靚仔!鳯爪切到一指一舊, 進食方便, 爽脆又夠入味, 酸辣味道調教得適中, 食到人胃口大開!之前已經食過佢嘅蝦醬炒飯, 今次試下叫個菠蘿炒飯 ($88), 呢度嘅菠蘿炒飯係無開邊菠蘿載住嘅, 原碗倒轉而成, 以肉鬆及腰果伴食!飯粒充滿咖喱香味但唔辣, 加入雜菜粒, 甜椒,
位處工廈, 唔係有人介紹/食過都未必識上黎, 入門見到枱上都有留名牌, 訂枱客多, 保證有得食!
餐牌食物種類唔會無咩選擇, 由小食, 沙律, 蔬菜, 湯類, 飯麵及主菜都有
飲品LIST當然唔少得
肚餓啦................由落單到上枱都唔駛等好耐, 呢客泰國脆脆鷄翼 ($56), 多多少少都係為佢而黎, 一客6隻炸至金黃色, 每隻鷄翼外型亦都非常有"福相", 面搽淋上蜜糖及灑上芝麻, 食起黎味道惹味中帶甜, 又夠香味!
泰國脆脆鷄翼
42 views
1 likes
0 comments
鷄翼炸至皮脆肉嫩, 入口熱辣辣香噴噴, 每次食都係咁好味!
頭盤點左鳯爪沙律 ($58), 酸辣無骨鳯爪份量何其多, 配以芹菜, 紫洋蔥, 車厘茄及沙律菜, 賣相靚仔!
鳯爪沙律
22 views
0 likes
0 comments
鳯爪切到一指一舊, 進食方便, 爽脆又夠入味, 酸辣味道調教得適中, 食到人胃口大開!
之前已經食過佢嘅蝦醬炒飯, 今次試下叫個菠蘿炒飯 ($88), 呢度嘅菠蘿炒飯係無開邊菠蘿載住嘅, 原碗倒轉而成, 以肉鬆及腰果伴食!
菠蘿炒飯
17 views
0 likes
0 comments
飯粒充滿咖喱香味但唔辣, 加入雜菜粒, 甜椒, 提子乾, 大蝦炒成, 略嫌飯粒偏腍身, 硬身返少許就仲岩胃口! 撈埋肉鬆及腰果一齊食就仲增加味道及口感層次!
酸甜味道有呢碟鮮蝦炒金邊粉 ($88), 一客份量夠2人分享, 賣相睇得出花左心思!
鮮蝦炒金邊粉
13 views
0 likes
0 comments
唧少少青檸汁落金邊粉更開胃, 撈埋花生碎嘅金邊粉食落口感一硬一軟, 唔會只食到一團粉嘅感覺; 大蝦都有唔少隻, 口感爽口; 另外其他配料有豆干及鷄蛋絲, 豐富左成碟菜式!
食物質數令人滿意, 價錢又夠貼地, 再回頭率...................高呀!!
Post
