Seafood Stand (Closed)

有時出街日日都食米飯，🙈唔通日日都想食嫁咩～行過尖沙嘴見有Burger🍔食，價錢又好合理，就坐底試下啦👀烤蘋果醬黑毛豬漢堡 ($68)Iberico Burger with Apple Sauce黑毛豬🐷扒好厚，但肉質比較硬，亦唔算好入味，反而個烤蘋果醬幾有特色，真係帶有蘋果味🍎，香香甜甜都唔錯。不過整體嚟講唔算好出色，發揮一般啦，但草根覺得呢個組合都幾有新意嘅😌炸魚薯條跟他他汁 ($88)Fish and Chips with TarTar Sauce炸魚2大塊，賣相都幾吸引🤤食之前草根姐妹落左檸檬汁🍋去調下味，希望令食落感覺更開胃🤤可惜，天氣不似預期😔炸醬實在太太太厚！實在食唔落，挑開炸皮後，見到個魚柳好厚，雖然🐟魚肉都算滑，不過魚肉真係冇調味🤧，味道非常淡😭質素真心好麻麻。但公平D咁講，佢個薯條🍟都幾出色，薯條係有皮嘅美國薯🥔，因為有落紅椒粉，所以帶點辣辣地🌶，薯條炸得乾身而且唔油膩！不過魚柳令人好失望呢，後悔點了這個。