亞參雞飯 (利舞臺廣場)

Open Now

Now Closed

第一次寫食評，銅鑼灣呢間幾位waitress嘅服務態度真係無得可以再差，無論堂食定外賣，每一次都真係完美做到幫老闆趕客嘅極致，我一定唔會再幫襯。堂食：餐廳剛開門完全冇客，正等候安排坐位。當被問可唔可以坐近光猛啲嘅窗邊位置，個女侍應反白眼冇尾音答：”你鍾意啦”，然後走開咗。外賣：等候外賣叫號，無其他人等外賣，店內亦唔多人。到叫到自己號碼，個女侍應拎袋外賣俾我，我好自然遞上飛仔講唔該，個女侍應望我一眼，冇俾反應然後走開咗，而我仍呆企原地遞出飛仔。其實要唔要收飛，都只係需要講一句。駛唔駛咁無禮貌？至於食物質素：鷄一般，豬手好多毛。但如想開心食餐飯，最好去第二間。