Salamat Cafe (Closed)

天氣好靚，好想坐outdoor ,但無奈outdoor已full , in door 好細，檯已經好細張，側邊係廚房，staff 行嚟行去出餐，好擾民，點咗個chicken burger 賣想非常靚，不過唔係我想像中咁好味，先食薯條，有紫菜喺面，又炸得香，配茄醬同辣醬，like , 則邊有蟹鉗，完全無蟹肉味，得啲粉，個burger 睇落好靚，雞扒都好大塊，可惜雞扒炸到過咗火位，好乾，上面嘅煙肉係無煎香，所以唔吸引，對我嚟講最大問題係已落咗沙律醬，我本人唔太鍾意食沙律醬，所以我差唔多成個包都無食。朋友order咗個魔鬼魚，香港真係唔多地方有魔鬼魚食，我人生都係第二次食，所以值得一讚，share咗少少試下，個汁幾惹味，魚都整得幾香。例牌點我最愛嘅mocha ,跟餐要加19蚊，上埋杯咖啡張檯完全無位，真心細同坐得唔舒服，旁邊沖咖啡又好嘈，完全破壞假期心情同靚天氣，食食下望倒門囗仲要貼住張紙繁忙時間用餐時間係45分鐘，我一向好討厭限時嘅餐廳，只想快啲食完快啲走。