TAMAGOGO (Closed)

北角匯雖然唔算好大商場，不過假日人流係幾旺，其中一個原因係有一田超市。裡面都幾多野買，同時有埋餐廳。雖然可以坐低食野既位置唔多，但都有好多唔同既餐廳可以揀。呢間行過都會望多兩眼，又日式又有搞鬼既雞蛋仔。你以為佢淨係食雞蛋仔，原來疏乎厘都有得食。吉士雞蛋仔 $34首先會用個蛋盒上，打開蛋盒見到六隻大雞蛋仔笑住。入口口感軟熟，中間有吉士醬，大人細路都鍾意。2重朱古力疏乎厘 $88出面食個原味疏乎厘分分鐘都過百，呢度2重朱古力都係$88，其實性價比一流。朱古力好似瀑布咁，難得唔會甜到一個點，仲食到疏乎厘既蛋香，無論你係唔係外協，都好岩你。香蕉燒(朱古力) $30香蕉燒真係”香蕉”上，指定動作 : 拎住打咭。口感其實係雞蛋仔既”香蕉”版，揀朱古力味都幾夾。我愛Milkshake (岩鹽焦糖) $34熊仔樽人見人愛，而且夠大樽，感覺係多過平時飲一杯既份量。揀岩鹽焦糖貪佢冇咁甜，入口少甜又順滑。