宜家家居美食站

Open Now

Now Closed

行銅鑼灣宜家家居冇理由唔幫襯佢個小食站， 今次同細妹出開去幫屋企人買嘢， 當然都要食番啲嘢補充下體力啦😆😝七點幾去到都有唔少人喺度食緊嘢， 排隊 唔需要好耐，但搵位食就有啲困難， 嗰度得企位，但要搵個空間企喺度食都唔容易。 不過值得一讚的是，衛生明顯有改善， 繁忙時間有清潔工當值， 清潔枱面， 垃圾袋定期更換，垃圾桶唔會好似之前咁滿瀉👍 環境清潔衛生一啲，食嘢都開胃啲啦。肉丸一如以往，質素一般般啦， 冇乜口感， 但幾juicy ， 鼓勵大家加入紅莓醬食， 味道酸酸甜甜， 層次豐富啲。自己第一次食宜家家居嘅肉桂卷， 幾欣賞佢落足肉桂粉， 楓糖易分佈均勻， 唯獨係麵粉嘅質地有待改善， 食落去太明顯係雪藏飽， 食得出係低級麵粉.. 係唯一美中不足嘅地方...