一寿司 (Closed)

一壽司6pm後半價， 咁抵食梗要試下，因為肚餓既關係， 一坐低便叫到成枱都係野， 黎得算係幾快。等野食期間記得跟枱面張紙既指示join member, 有三文魚魚生送㗎！先黎玉子燒， 無尖沙咀分店做得咁香咁好食， 有少少乾身同唔夠新鮮熱辣，但都ok既。再黎蟹肉茶碗蒸， 個蟹肉羹好咸， 個蛋蛋味欠俸， 老公鐘意食濃味都話太咸。鰻魚大條且厚肉， 不過實左啲, 煮棉啲會好食點初戀口味清新， 唔錯！特大甜蝦真係幾大， 肉質鮮彈但唔知點解唔夠平時甜。貝類一堆都是一般貨色， 佐口魚唔錯， 油香滿溢， 下次叫埋火炙佐口先得。炸蝦三文魚卷， 炸蝦偏硬， 整體不過不失。送的三文魚生， 都算厚， 夠新鮮， 唔錯。