Chill Inn (Closed)

聽講九展呢間餐廳隔離有個狗狗營地😝😝😝可以為顧客係餐廳買完食物外賣到狗狗營地🐶🐶🐶同狗狗喺營地入面食野🤪真係毛孩既福音呀💓💓所以今日諗住去睇睇，餐廳喺九龍灣展覽中心入面，喺德福商場有接駁巴士過去都好方便☺️☺️餐廳好大間，坐得好舒服，每張枱都有爉燭都幾浪漫啵，餐廳既木系裝修令人有種方鬆既感覺。餐廳用玻璃間開左狗狗營地，望過去狗狗營地都好大，毛孩應該可以玩得開❤️炭燒豬頸肉薄薄地，份量好足，本身個落左蜜糖甜甜地，肉味濃同香，口感個人覺得似叉燒，正呀❤️低溫慢煮開心果保雲酥羊西冷賣相好出色，肉質好淋，羊羶味好正呀，佢用埋開心果喺面係好特別既，而味道比想像中更夾，佢有個勁香既薯蓉，夠creamy唔會好乾身，出色呀😚😚😚❤️德國豬手配蜜糖芥末籽醬，豬手好好好大隻，而且佢既皮勁脆又好香，肉味好夠唔會太咸，蜜糖芥末醬兩種主配料既份量幾好，唔知一邊特別搶😛😛另外燒菠蘿同豬手真係超級夾呀，兩樣一齊食係意外地好食😊😊餐廳食物質數唔錯之餘，特別推介俾有毛孩又想同佢地一齊外出用餐既朋友