Video
Read full review
2015-12-13
301 views
與舊老友聚舊，問老友有無餐廳推介，老友家住上環，話食過呢間印象唔錯。抱住老友唔會害我既信念，決定比個機會呢間韓國餐廳！喜愛夜間上環既幽靜，只係夜晚八點半，街上行人已漸見疏落，同日間喧鬧成鮮明對比，離開地鐵站漫步係寬敞既街道上，唔使五分鐘就到餐廳。雖然係星期日，餐廳人流都唔算少，不過始終上環週日唔算熱鬧，所以唔使等位。餐廳係裝修帶街頭風既簡約感，感覺上係願意走出傳統框框，炮製破格菜式既韓國餐廳。菜單選擇唔算好多，不過各類型既菜式都有。先點一個韓國菜最好既朋友，減肥最大既敵人，非常邪惡但又非常誘惑既炸雞。呢個甜筒炸雞 ($88)炸得非常香脆，特別既地方係炸雞面有一層忌廉，更特別係炸雞底鋪有一層蕃薯泥。身為一個炸雞同蕃薯既愛好者，我真係覺得霎時感動，原來中文老師一直都教錯左，魚與熊掌係可以兼得既。隨炸雞奉客既仲有蛋黃醬。雖然咁講好似好老土，不過炸雞的確係外脆內嫩，薄薄既一層表皮香脆，包覆住裡面依然香嫩多汁既雞肉，口感一流。雞既香味，同蛋黃醬、忌廉、蕃薯泥既味混合，帶有複雜既層次，但神奇地無違和感，味道上既平衡交足功課。再叫左一個芝士玉子卷 ($ 68)做小食。其實係一個芝士奄列，賣相誘人，表
喜愛夜間上環既幽靜，只係夜晚八點半，街上行人已漸見疏落，同日間喧鬧成鮮明對比，離開地鐵站漫步係寬敞既街道上，唔使五分鐘就到餐廳。雖然係星期日，餐廳人流都唔算少，不過始終上環週日唔算熱鬧，所以唔使等位。餐廳係裝修帶街頭風既簡約感，感覺上係願意走出傳統框框，炮製破格菜式既韓國餐廳。菜單選擇唔算好多，不過各類型既菜式都有。
先點一個韓國菜最好既朋友，減肥最大既敵人，非常邪惡但又非常誘惑既炸雞。呢個甜筒炸雞 ($88)炸得非常香脆，特別既地方係炸雞面有一層忌廉，更特別係炸雞底鋪有一層蕃薯泥。身為一個炸雞同蕃薯既愛好者，我真係覺得霎時感動，原來中文老師一直都教錯左，魚與熊掌係可以兼得既。隨炸雞奉客既仲有蛋黃醬。雖然咁講好似好老土，不過炸雞的確係外脆內嫩，薄薄既一層表皮香脆，包覆住裡面依然香嫩多汁既雞肉，口感一流。雞既香味，同蛋黃醬、忌廉、蕃薯泥既味混合，帶有複雜既層次，但神奇地無違和感，味道上既平衡交足功課。
再叫左一個芝士玉子卷 ($ 68)做小食。其實係一個芝士奄列，賣相誘人，表面煎得稍焦，面頭就擠左一整條既忌廉，再加茄醬調味。好野緊係要趁熱食，一切開玉子，惹人垂涎既車打芝士就以半溶既終極形態緩緩流出，令到成個菜式既罪惡程度上升到一個whole new level！味道果然唔錯，難怪為犯罪提供足夠誘因，餐廳唔少食客同我一樣豁出去點左呢個小(?)食。不過少少既complaint係玉子卷有少少過咸，但整體黎講都令我同老友都一致讚好。
多士夾煙肉你就見過，煙肉夾多士你又見過未？呢個爆芝煙肉 ($78)完美示範煙肉既逆襲，最愛佢浮誇又抵死既造形，一塊又一塊既煙肉包住裡面既多士，同巨量既芝士。呢三者基本上係一個必勝既組合，煙肉煎得到位，乾身唔油膩，邪惡既芝士叫我又愛又恨，再加上一塊烘得兩邊平均，既薄且脆既多士，味蕾同減肥既宣言同時失守，用幾分鐘就將成個爆芝煙肉狠狠咁消滅。
醬燒芝士排骨 ($148)係我到韓式炸雞餐廳既另一個必點之選。不過今次我就就稍有失色，排骨調味太重手，醃得過咸，食既時候我甚至有一秒懷疑自己係咪食緊燒肉。芝士量雖多，但都彌補唔到排骨係味道上既敗筆，衷心希望老細可以花時間改良一下。
鐵鎚芝士煙肉通粉 $108鐵鎚系列似乎係餐廳既招牌特色，係通粉或意粉上面加一層圓拱形既酥皮，好似天幕罩住裡面通粉，。食既時候側邊另上既鐵鎚將酥皮敲碎，再混和通粉一齊食，相當好玩過癮。酥皮加通粉令口感更佳，唔會咁單調，而芝士煙肉通粉煮出水準，比唔少cafe既出品好食。
總的來說我覺得係一間有誠意既餐廳，難怪老友一試愛上，唔一定要最繁華既尖銅旺先有好野食，走遠一d會發掘到新滋味同驚喜。餐廳優點係抵食夾大件，缺點同樣係抵食夾大件，同埋某幾款食物調味太重手，改善到最後一點相信會有更多回頭客。
Post
