茶木‧台式休閒餐廳 (MegaBox) (Closed)

因為女朋友係小丸子迷，所以當知道茶木做緊小丸子主題特色餐廳，就一直都想帶佢嚟，趁住今日係呢頭睇戲，終於有機會了。餐廳位於Megabox地下，離遠已經到小丸子裝飾，相當顯眼。雖然我哋六點鐘嚟到，但已經要排隊等位，最後等咗差唔多十分鐘先可以入座。餐廳有好多小丸子佈置及裝飾，影相打咭一流。餐牌係特製架，每頁都有小丸子，入面仲有故事添。小丸子蕃茄肉燥鰻魚飯 :一場黎到，當然要試小丸子特色菜式啦。肉燥鰻魚飯份量相當大碟，用小丸子碟裝住，面頭再用小丸子樣蓋住，賣相好吸引。肉燥味道香濃，蕃茄微微酸味非常開胃，鰻魚肥美，肉質唔韌，配埋肉燥食一流。沙茶大蔥帶骨牛小排 :牛小排用沙茶醬煮再用大蔥及洋蔥爆香，辣辣地好惹味，牛小排煮得夠淋及入味，得4-5塊真係唔多夠喉。小丸子櫻桃西瓜柳丁汁  + 野口竹炭仙草奶茶 :四杯特色飲品，我地揀左呢兩杯。櫻桃西瓜柳丁汁好重西瓜味，飲落有微微果肉，口感似沙冰。竹炭仙草奶茶味道唔太甜，配埋仙草好夾。飲完兩個杯仲可以拎走做紀念，既環保又可以放屋企做裝飾。小丸子吐司禮物盒 :黎得茶木當然要食佢個吐司甜品啦，兩層厚吐司配上曲奇雪糕、士多啤梨及藍莓，真係再飽都食得落呀。呢度嘅小丸