Izumi Curry (Closed)

我一向都係小丸子迷，係超級鍾意小丸子架，早前黎過位於尖沙咀既小丸子CAFE，連位都唔俾等啦因為太多人截左龍，今日終於有機會試。黎得呢到既人，都唔係為左食架啦，所以係餐廳周圍影相都唔係D咩奇怪事。餐廳所有布置，由backdrop到餐桌到到碟都係以小丸子為主題架。食物方面我地叫左2個SET，分別係奄列吉列豬扒咖哩飯同埋明太子海鮮意粉，各包一杯餐飲，小食我地叫左餃子雞翼。都係果句，呢到唔係俾你食既，所以唔好對食物要求咁高，不果咁講，味道又真係唔差，都算中上，但係每一碟都有小丸子黎做主題，想唔相機食先都唔得啦。隻碟仲要係印左小丸子滴汗個樣，真係好鬼CUTE。餐飲方面係包汽水一罐，如果想轉咖啡既係要加錢，為左影相既我地，最後都要左個咖啡。呢到真係好好玩，坐左成2個鐘仲要不停影相，有少少返老還童既感覺。