Treats (Closed)

呢間車仔麵一路都想試，之前聽好多人話唔好食，但今次去到見到排長龍喎! 又有小儀塊紙版做生招牌，就行埋去買。用自助售賣機揀車仔麵， 我就揀咗個三餸， 加$3可以有紫背天葵汁。車仔麵要油麵，餸就要咗個蘿蔔、墨魚卷 和滷水雞翼。本來唔諗住揀鹵水雞翼呀! 我見到佢啱啱倒出嚟，又出煙。醬汁要咗辣汁，辣味都唔錯。蘿蔔好大嚿，又甜又冇渣，正!墨魚卷質地同口感不錯，有墨魚粒。鹵水雞翼就差啲，冇鹵水味，雞翼都係普通貨色。麵的質地一般， 索唔到汁，好淡口。紫背天葵汁唔會剩係水。