麵麵店 (Closed)

小儀投資既麵麵店！呢日星期五去到都幾多人係度排緊隊，不過店員安排幾快手，所以入座都算流暢。麵麵店採用掃QR Code自助落單既方式，可以係排緊隊既時候掃定落埋單，亦都可以掃枱上既QR Code進行落單😝入到落單頁面可以先揀麵底，再係各餸菜分頁裏面揀餸，選擇幾多🤣，有推介既車仔餸組合，亦可以比你按喜好單點餸菜，之後再揀湯底😆，較特色既薑酒湯底同香菇湯都有果日都揀左不少配料🤣，因為禁禁下覺得樣樣都想試咁🙈，而每點一碗車仔麵，都會送上一小碟秘製菜脯，辣得過癮。印象較深刻既係酸酸甜甜又帶點脆身既酸齋；爽脆又有辣度既麻辣蓮藕；索汁一流既珍珠豆卜，份量仲好多；清湯豆腐係一大磚咁上😛，炸過既外皮，配搭裏面幾嫩滑既既豆腐😆南乳雞中翼外皮脆卜卜，而且南乳味都幾入味，不過建議快啲食，否則比湯浸淋左就無咁好啦😉叫下叫下都叫左唔少野，整體定價唔算太平，但份量同選擇就相對較多，飲埋杯凍既紫貝天葵就岩岩好。