麵麵店 (Closed)

小妹好鐘意食車仔麵，知道小儀係新都城開左間麵麵店，一直都想去，但成日都見好多人排隊，所以都冇食到，難得今次人少少，就同媽咪去食麵麵店車仔麵做緊$44套餐優惠，任揀4餸包細豆漿或細紫貝天葵~排隊買既時候，都可以scan QR code 預先揀餸，落定單，一到收銀直接比錢就得，省時又方便~如果剛巧電話冇電或有長者唔識用手機落單，都可以直接叫店員幫忙落單~去完收銀比錢後，就可直接番埋位，轉頭服務員會拎埋比你~顧客亦都可以坐低左先，再係位到用手機scan QR code落單, 只係我覺得一路排隊一路落單會比較省時，大前題係要確保有枱坐先,不然買左冇位坐就大獲 XD本來諗住食套餐，但睇完menu發覺有好多餸都想食，4餸應該唔夠🙈，最後還是散點吧~同埋散點飲品大杯d~大約等左10分鐘到，車仔麵就送到枱上1. 自由選車仔麵 河粉蘿蔔、豬紅、咖哩魷魚、炸魚皮、雞中翼清湯 咖哩汁 加$6紫貝天葵2. 自由選車仔麵 米粉炸魚皮、雞中翼、紅腸、咖哩魷魚、韮菜餃清湯底、咖哩汁 加$6紫貝天葵wow...🤤又幾大碗，2碗都係好豐富既5餸麵，仲跟埋辣菜脯炸魚皮香脆， 鹵水雞翼好入味紅腸爽口，蘿蔔清甜韮菜餃都好香韮