小南國 (Closed)

三人行喺屯門一帶醫肚，為咗唔排隊，就放棄食「上海婆婆」，決定去位於商場三樓嘅小南國食上海菜。小南國地方大，佈置得體，坐得幾舒服！但餐單方面就唔多啱食。雖然客唔多，但有時想嗌嘢都冇乜理。我哋嗌咗花雕醉雞、擔擔麵、上海年糕、小籠品、生煎包、葱油餅同豆漿。醉雞講真冇乜肉，得上面幾舊有得食下；擔擔麵味道完全同唔到「上海婆婆」/「翡翠拉麵」比，唔推介;上海炒年糕唔係我想象一樣，個人唔多鐘意，好似食粉團咁，冇咩味; 小籠包皮有啲乾，入面好多湯;生煎包ok; 葱油餅過油，但幾香脆！可試，質素唔係好，唔係差。但只怕屯門呢間分店做唔長，因為客人不多，食物又唔係卓越！