川燒 (Closed)

明明間野叫川燒, 又食麻辣野, 應該似中式店, 但D碟好靚好似日式餐廳咁👍🏻 汁燒原隻魷魚筒雖然原隻, 但冇左D鬚鬚🤣 但魷魚筒身就的確好大條, 界開左好深既坑紋, 中間呈好靚既白色, 外邊就啡紅色係魷魚皮, 加上用醬汁燒過色澤更靚😍 我地切開個筒發現質地勁有彈性, 咬落爽口👍🏻燒大海蝦 超大隻蝦, 條尾都大過人拱起左, 蝦身有好靚既橫間條紋, 燒到勁乾身, 但入面咬落仲好juicy, 蝦汁爆晒出來澳洲麻辣小龍蝦以上都係用長方形日式淺色系既碟, 而呢個麻辣小龍蝦終於似返D中菜, 用左好似煲仔飯果D煲, 龍蝦熱辣辣超大隻, 麻辣汁一上菜就全枱都聞到, 龍蝦肉爽口彈牙, 辣味齒頰留香👍🏻青檸荔枝梳打又有青檸又有荔枝味道超fresh, 酸酸甜甜加上soda好爽👍🏻