Video
Read full review
2018-05-27
51 views
有時同朋友相約係旺角食飯三五知己想搵個坐得耐又舒適好玩既地方真係好難。小弟今日去呢間位於金雞廣場樓上既 cafe 小店，就可以解決我地既需要。店鋪位置好就腳，鄰近旺角東站，而且旺中帶靜，方便到達，不失為係鬧市之中可以暫時休息一下既好地方。門口有個幸運轉盤，唔知道係咪真係有獎抽呢嘿嘿......店鋪正門，門上掛滿好多唔同食客係度既合照同留影，成個感覺幾warm！店舖主要裝飾都係圍繞好多漫畫動漫元素，感覺好似一個迷你樂園等你可以放鬆心情好好休息玩樂，設計同裝潢都係簡約為主，令人好放鬆，抵讚Cafe 主要賣點係朋友聚餐, board games 梗係唔少得。麻雀雖小，但好多好熱門又好玩既遊戲都會搵得到。最驚喜係平時去樓上 cafe 玩既 board games 入面 d 道具呀卡牌呀難免會殘缺不全，呢度好多桌遊唔單止齊整仲好整潔企理，玩都玩得特別爽Cafe 當然唔少得野食喇，因為我地有4個人，可以 order party set, 我地揀左日式芝麻醬拌田園沙律。用料好新鮮，而且日式芝麻醬配沙律，個醬提升成個沙律味道，唔錯。跟住到香口之選美式脆薯格。呢個同平時食到既好唔同。一般薯格炸極都仲有d
店鋪位置好就腳，鄰近旺角東站，而且旺中帶靜，方便到達，不失為係鬧市之中可以暫時休息一下既好地方。
門口有個幸運轉盤，唔知道係咪真係有獎抽呢嘿嘿......
店鋪正門，門上掛滿好多唔同食客係度既合照同留影，成個感覺幾warm！
店舖主要裝飾都係圍繞好多漫畫動漫元素，感覺好似一個迷你樂園等你可以放鬆心情好好休息玩樂，設計同裝潢都係簡約為主，令人好放鬆，抵讚
Cafe 主要賣點係朋友聚餐, board games 梗係唔少得。麻雀雖小，但好多好熱門又好玩既遊戲都會搵得到。最驚喜係平時去樓上 cafe 玩既 board games 入面 d 道具呀卡牌呀難免會殘缺不全，呢度好多桌遊唔單止齊整仲好整潔企理，玩都玩得特別爽
Cafe 當然唔少得野食喇，因為我地有4個人，可以 order party set, 我地揀左日式芝麻醬拌田園沙律。用料好新鮮，而且日式芝麻醬配沙律，個醬提升成個沙律味道，唔錯。
跟住到香口之選美式脆薯格。呢個同平時食到既好唔同。一般薯格炸極都仲有d水份係入面，擺耐左就會唔脆同埋冧身。呢個薯格炸到非常香脆，而且唔會油膩，非常驚喜！
秘製日式餃子，亮點係佢將餃子當係章魚燒咁樣調味，連木魚都落埋做足晒！估唔到章魚燒既味道同餃子都可以咁夾，幾新鮮，值得一試。
之後係小食拼盤，有招牌鹽酥雞，惹味咖哩角同健康素春卷。鹽酥雞非常香口，調味適中，外脆內嫩，炸完仍然可以保存雞肉既鮮味，唔會鞋口。咖哩角同素春卷互相配合，一個係肉食獸至愛，另一個係健康人仕既恩物。呢間 cafe 係處理香口小食同炸物係有一手！
再黎就係主食兩道，先黎呢味的香草白汁雞皇飯。因為我實在太鐘意食白汁雞皇飯，呢個飯完全滿足到我既要求！雞肉鮮嫩唔老，白汁挺身但唔會膩，香草味為個飯增加唔少層次同味道，整體雖然佢擺盤唔係最特出吸引，但勝在味道取勝！
西班牙煙鴨胸扭扭粉，鴨胸煮得岩岩好，扭扭粉沾滿醬汁調味令人食指大動！整體雖然係屬於重味既一道主食，又有少量鹹，但仍然會忍唔住食完一碗又一碗
最後當然有 cafe 特有既大大 jar 特飲。雖然盛載既樽只係一般 K 房用既類形，外觀上唔太吸引，但勝在可以任選套餐入面所有味道都可以無限添飲，加分～今次揀左 party set A，其實佢仲有 set B，有更多食物同種類可以選擇，但係價錢會比 set A 略高。店舖亦會根據人數調整出餐份量、保證客人一定食得飽。下次再黎可以試埋 set B!
Post
