森美餐廳 (Closed)

新居附近有間小店西餐，想試咗好耐終於今晚有時間去試吓佢嘅牛扒。同一個商場入面其實有兩間森美餐廳，記住係樓上果一間。我哋八點左右到都已經滿晒座，唯有喺出邊等一陣，望一望餐牌，決定order一個超值套餐，包左冷盤煙三文魚，餐湯係酥皮海鮮湯，主食係香煎鴨肝牛柳，最後仲有甜品係芝士凍餅添，成個餐都只係二百零蚊左右。牛柳叫咗五成熟，外面嗰浸都可以食到比較焦香嘅縮到而中間切開都見到鮮嫩嘅肉保持左肉汁。加埋前菜餐湯同甜點份量非常足夠。而另一個餐就叫咗美國天然豬斧頭扒，其實係見到餐廳入邊有人食緊，份量非常之大夠， order嘅時候店員都話要等一等因為斧頭扒比較厚身，上枱嘅時候店員都提醒要切得比較薄去食，雖然話斧頭扒好大嚿但係都保留左肉汁，而骨邊嘅位都好容易拆出嚟食，唔想食牛扒嘅斧頭扒絕對係推介之選。斧頭扒配左意粉意粉係輕輕用橄欖油炒過嘅意粉加埋香草同埋斧頭扒嘅醬汁都非常好味。最後斧頭扒係食唔晒如果係同朋友share會更加好。小店雖然座位比較少，但流轉算係快，所以我哋都係等咗10至15分鐘已經有得入座啦。