新興發點心

Open Now

Now Closed

呢間係西環新開既小型點心鋪，規模雖然無其他茶樓甘大。但係食物同服務都比想像中好，幾唔錯。可能因為新開，除了午飯時間，鋪都唔算太多人，唔洗等好耐位，而且有2樓，可以坐得舒服d。食物選擇唔算太多，但係最普遍平時飲茶有既點心都好齊。特別值得一提個流沙包，即叫即蒸，上台時熱辣辣既，見到已經好想食。攞上手又覺得好軟熟，mit開之後即刻流d又香又滑既餡出黎，賣相已經相當吸引咬落去果然好正，包好軟餡好甜，推介！其他點心都好ok 因為盡可能都係即叫即蒸，點心最緊要係熱辣辣，夠新鮮。呢間新興發都應該係用新鮮料，平民價錢黎講真係物超所值另外服務方面，呢間點心鋪應該係家庭式經營，樓面同收銀態度都良好，整體黎講成個用餐過程都幾滿意，值得一試。