小城鎮 (Closed)

今晚放工去北角探患病的同事，因同事做了手術，需要多休息，我問候一下就不便打擾，告辭了！甘岩今天老公在明園西街見客，過去搵埋佢去食晚餐，行到明苑中心，見一新餐廳名叫小城鎮，是一間火車站式主題餐廳，歐陸式的色彩吸引我和老公，今晚就在此享受一下二人晚餐吧！多款晚餐中，我們選擇B餐，因為我們比較夜去食，部分主菜已經賣曬，老闆好好人，讓我們可以選擇散叫的餐牌上嘅主菜！厨師沙律：沙律菜新鮮，加有沙律醋，酸酸地好醒胃。蕃茄雜菜湯配蒜蓉多士，蕃茄味濃郁，湯內有雜菜，好好味！蒜蓉多士香脆，蒜味香濃！小城鎮炸雞翼：外皮炸得好酥脆，肉質鮮嫩有汁。燒香草法國春雞(配魷魚圈)：春雞燒得皮香肉嫩，香草味濃，炸過的魷魚圈香口。香烤德式豬手配酸菜及薯蓉：烤豬手一定趁熱食，皮脆卜卜，好像食乳豬皮，肉質鮮嫩入味，薯蓉綿滑，薯角香脆，口感豐富又好味，還有酸菜可解解膩！凍奶茶：奶味比茶濃，不太甜。凍檸茶：茶味夠濃，數片檸檬，冰凍夠味！草莓奶凍：甜甜的草莓糖漿，加入奶凍食，味道甜美又香滑。時令鮮果奶凍：奶凍香滑不太甜，加左一層芒果糖漿，均勻食甜度剛好，藍梅、火龍果新鮮！