宇治初時@自家創作料理

Open Now

Now Closed

葵涌廣場屬於一個多元化商場，裏面賣的貨品林林種種各式各樣，而食肆都五花百門，中/日/韓/甜品/小食，每樓層都有好多選擇，簡直百花齊放。今曰就去到2樓2020號舖的小店《宇治初時》，小店食品以麵食為主，有拌麵/湯麵/炒烏冬/炒拉麵/拌飯。豬軟骨拌刀削麵（辣度🌶️小天使）豬軟骨肉質軟腍入味，軟骨部份脆口刀削麵麵條有彈性，加入芫茜，蒜，紫菜，粟米，辣味酸菜，撈入自家調配的辣椒醬，（有4級辣度選擇）小天使辣度辣味適中，味道出色。宇治酸辣涼拌魚皮（推介小食）魚皮入口脆爽彈牙，加入香辣的辣椒醬，酸酸辣辣，惹味好食。