咖啡灣 (Closed)

小秘書 對「Cafe Swan 咖啡灣」特別有親切感❤️ 今日終於如願以償，可以親身嚟感受吓☕️ 一入門口，#小秘書 已經比個摩天輪同啲小擺設吸引住👀 叱咤叱咤... 一於相機行先😁 服務員先安排我坐好，然後遞上成本畫冊一樣嘅餐牌比我揀嘢食，花多眼亂... 好在餐牌上有套餐，我就可以好快鎖定目標「帶子」意粉做今晚嘅主菜，配一個松露忌廉湯+熱朱古力🍝 餐湯第一個上枱，忌廉味好濃好滑，👨🏻‍🍳加入些少松露同磨菇，口感同味道都非常好💯 之後再上嘅係「香辣蒜味帶子意大利粉」，意粉比師傅煮得剛剛熟，唔淋又唔會太硬，非常好！不過啲帶子仲可以加熱啲啲，咁就perfect喇！食到嚟呢度，我仲未夠喉，要加多個「牛油香草煮蜆」鞏固吓個胃🤣 小秘書對呢度菜極之欣賞❤️ 原因係除咗份量十足之餘，👨🏻‍🍳喺湯入面加上牛油同大量芫荽🌱 我哋食哂食盆蜆、仲可以飲埋啲湯... 真係大滿足呀👍🏻👍🏻