Video
Read full review
2018-03-30
1022 views
之前睇到雜誌同一啲網媒都有講過呢間台灣菜，一直都好想試吓，放工已經好夜，經過見到唔使等位就入去試吓佢啦！門面真係好有台灣嘅感覺，可能我自己本身對木有情有獨鍾呢，所以真係加咗唔少分！入到去，店員指示我哋坐係吧枱嘅位置。我最鍾意就係坐喺吧枱，可以睇到師傅煮嘢食係點樣嘅，亦都以最短嘅時間可以將食物送到去我枱上。餐牌入邊嘅項目選擇唔係太多，其實係好事，越小選擇菜式應該越精。而且好多人都有選擇困難症，少啲嘅項目可以令到客人以後想食嗰樣嘢就會諗起度。枱上面有紙巾牙籤都好正常，但係呢度有埋橡筋我就真係覺得好貼心。女仔長頭髮食湯麵好多時候都要撳住啲頭髮，但佢提供橡筋比客人，呢一啲細心真係值得一讚！因為我係好鍾意食台灣嘅小菜，每次去台灣無論食小籠包、食牛肉麵，甚至乎食熱炒都好，我都一定會叫一啲小菜嚟食。今次都唔例外，叫咗一個涼拌小黃瓜。其實去咁多次台灣食咗咁多次涼拌小黃瓜，心入邊其實有一個既定嘅味道，知道大概會係有啲麻油香，鹹鹹地咁樣。誰不知嚟到，同我諗嘅味好唔同，佢係偏酸而且我覺得有少少太爽口嘅感覺，可能平時我係台灣食親嘅小黃瓜，都係有拍過嘅。所以食落去嘅時候有少少爽，有少少淋咁樣。之後就到我好喜歡嘅
門面真係好有台灣嘅感覺，可能我自己本身對木有情有獨鍾呢，所以真係加咗唔少分！
入到去，店員指示我哋坐係吧枱嘅位置。我最鍾意就係坐喺吧枱，可以睇到師傅煮嘢食係點樣嘅，亦都以最短嘅時間可以將食物送到去我枱上。
餐牌入邊嘅項目選擇唔係太多，其實係好事，越小選擇菜式應該越精。而且好多人都有選擇困難症，少啲嘅項目可以令到客人以後想食嗰樣嘢就會諗起度。
枱上面有紙巾牙籤都好正常，但係呢度有埋橡筋我就真係覺得好貼心。女仔長頭髮食湯麵好多時候都要撳住啲頭髮，但佢提供橡筋比客人，呢一啲細心真係值得一讚！
因為我係好鍾意食台灣嘅小菜，每次去台灣無論食小籠包、食牛肉麵，甚至乎食熱炒都好，我都一定會叫一啲小菜嚟食。今次都唔例外，叫咗一個涼拌小黃瓜。其實去咁多次台灣食咗咁多次涼拌小黃瓜，心入邊其實有一個既定嘅味道，知道大概會係有啲麻油香，鹹鹹地咁樣。誰不知嚟到，同我諗嘅味好唔同，佢係偏酸而且我覺得有少少太爽口嘅感覺，可能平時我係台灣食親嘅小黃瓜，都係有拍過嘅。所以食落去嘅時候有少少爽，有少少淋咁樣。
涼拌小黃瓜
13 views
0 likes
0 comments
之後就到我好喜歡嘅滷肉飯啦！滷肉係比較大粒嗰隻，肥瘦都勻稱嘅。味道都幾好，但係可能我比較夜去，啲飯焗耐咗少少有啲乾，如果可以加多少少汁就更加Perfect ！
滷肉飯
$28
21 views
0 likes
0 comments
食牛肉麵，我哋通常都會點半筋半肉牛肉麵，貪心呀嘛！一次過食晒想食嘅嘢！湯底係偏清嘅，我哋呢啲鍾意林東芳口味嘅人，呢個湯底對我來講就比較淡。但係都好，最少冇味精！肉方面比較厚身，但係都稔嘅；而筋方面，就硬咗少少，我自己本身就麻麻哋，但係大少係OK鍾意嘅！
半筋半肉麵
17 views
0 likes
0 comments
當晚眼見除咗煮麵師傅之外，都仲有三位店員，但係見佢哋嘅分工都唔係好清晰。唔知係唔係比較新手，因為店面已經唔算好大，如果店員工作仲咁亂的話，比客人嘅感覺真係唔係太好。希望呢啲有心做嘅小店會繼續努力啦！
Post
