Video
Read full review
2018-12-12
79 views
其他食評話呢度係一個環境清靜 可以靜靜地嘆下日本菜嘅地方 點知我今日嚟到 又有唔同嘅體會😂😂😂一入門口已經聽到非常之熱鬧嘅傾計聲 好旺😂 原來係有熟客生日 包左大半個場慶祝 好彩都仲有張吧枱俾我哋坐下 因為我本來係諗住嚟同朋友慶祝升職加薪㗎 (幾時到我...) 好彩唔使掃興而歸🙊雖然係吧枱 但位置都闊落嘅 仲可以睇住師傅幫刺身擺碟😋 後邊就係一個放咗好多支日本酒嘅櫃 感覺都唔錯前菜我哋要咗牛舌同埋螺 surprisingly兩樣本身都已經幾夠味 完全唔使點醬 牛舌唔韌 啲螺仲好乾淨好鮮甜海膽同蟹膏杯😳 我自己鍾意海膽杯多啲 因為海膽 蟹肉 同玉子豆腐加埋酸酸地嘅汁好襯 蟹膏其實我唔係太習慣生食 喺好多唔同嘅地方食過我都係覺得有少少腥🙊 不過朋友話唔錯 唔覺腥 可能係我自己問題😂重頭戲！特上刺身七種盛🙊($588?) 有吞拿魚 三文魚 油甘魚 劍魚 金目鯛 牡丹蝦 件件都係厚切 全部都好鮮甜 又係唔使點點豉油 而且重點係無筋🤤 擺碟仲好賞心悅目 平就唔係平 但係佢喺酒店餐廳 自然會貴啲 而且呢個質素都算係物有所值嘅😋👍🏻食到一半又叫返啲佐酒小食 傾吓計先 雖然今日嘅餐廳唔算太靜局 但反
一入門口已經聽到非常之熱鬧嘅傾計聲 好旺😂 原來係有熟客生日 包左大半個場慶祝 好彩都仲有張吧枱俾我哋坐下 因為我本來係諗住嚟同朋友慶祝升職加薪㗎 (幾時到我...) 好彩唔使掃興而歸🙊
雖然係吧枱 但位置都闊落嘅 仲可以睇住師傅幫刺身擺碟😋 後邊就係一個放咗好多支日本酒嘅櫃 感覺都唔錯
前菜我哋要咗牛舌同埋螺 surprisingly兩樣本身都已經幾夠味 完全唔使點醬 牛舌唔韌 啲螺仲好乾淨好鮮甜
海膽同蟹膏杯😳 我自己鍾意海膽杯多啲 因為海膽 蟹肉 同玉子豆腐加埋酸酸地嘅汁好襯 蟹膏其實我唔係太習慣生食 喺好多唔同嘅地方食過我都係覺得有少少腥🙊 不過朋友話唔錯 唔覺腥 可能係我自己問題😂
重頭戲！特上刺身七種盛🙊($588?) 有吞拿魚 三文魚 油甘魚 劍魚 金目鯛 牡丹蝦 件件都係厚切 全部都好鮮甜 又係唔使點點豉油 而且重點係無筋🤤 擺碟仲好賞心悅目 平就唔係平 但係佢喺酒店餐廳 自然會貴啲 而且呢個質素都算係物有所值嘅😋👍🏻
食到一半又叫返啲佐酒小食 傾吓計先 雖然今日嘅餐廳唔算太靜局 但反而多咗啲人氣 有另一種氣氛(?) 個個都傾緊計你想呻下返工嘅嘢 都唔怕有人聽到啦😂
我哋叫咗嘅係炸河蝦同埋雞泡魚干 炸河蝦細細粒又香口 一啖可以食到幾隻🦈 雞泡魚干同出邊食咗嗰啲有小小唔同 出面嗰啲係比較乾身 千上呢款好似用蜜汁煨過咁 唔知係咪我自己幻想太多😂 但係佢係比較入味同埋冇咁乾身嘅 幾好味
最後試埋呢一個$138嘅鰻魚炒飯 師傅炒得好均勻 粒粒米都有鰻魚汁 唔會糊又唔會太乾 好optimal😳 而且本身已有放鰻魚粒一齊炒 面頭都仲放多咗節肥美又脆皮嘅鰻魚 感覺好足料 食到好滿足🤣
整體食物質素同環境來講 千上呢間餐廳都唔錯 閒日嚟靜啲 可能真係一個幾好嘅一個傾計聚會地方 間唔中有事值得小肆慶祝可以考慮🙊
Post
