操場小食部 (Closed)

去大館，未到正餐又想醫下肚，呢間小食店就岩哂。上大館時路過會見到好大部Gameboy，哇完一聲先留意到係小食店。叫左少少野食浪下胃，兩個人叫左2個套餐另加多一串魚蛋。飛天少女豬腸粉＋飲品 - $20感覺較一般腸粉甜，唔知係甜醬甜，定豉油甜，夠淋身，箍牙妹就岩食喇！點左陽光檸檬茶，同Gameboy一樣懷舊下！😂炸戰斧雞髀＋1串小食＋飲品 - $48雞髀塊皮炸得好薄脆，箍牙妹試過咬唔到🙈，小食叫左爆裂牛筋丸，飲品叫左普通嘅玉泉忌廉汽水。炸彈人 - $15其實係白魚蛋，可炸可唔炸，口味都有幾種選擇，估唔到會有白魚蛋，箍牙妹去邊食只要見到白魚蛋，都會點，因為係安全之選。